<< 1. Panchanga Rudra Nyasam – पञ्चाङ्गरुद्रन्यासः
ओं भूर्भुव॒स्सुव॑: । ओं नं ।
तत्पुरु॑षाय वि॒द्महे॑ महादे॒वाय॑ धीमहि ।
तन्नो॑ रुद्रः प्रचो॒दया᳚त् ॥
संवर्ताग्नितटित्प्रदीप्तकनकप्रस्पर्धितेजोमयं
गम्भीरध्वनिमिश्रितोग्रदहनप्रोद्भासिताम्राधरम् । [सामवेदजनकं, सुन्दरम्]
अर्धेन्दुद्युतिलोलपिङ्गलजटाभारप्रबद्धोरगं
वन्दे सिद्धसुरासुरेंद्रनमितं पूर्वं मुखं शूलिनः ॥
ओं अं कं खं गं घं ङं आं ओं ।
ओं नमो भगवते॑ रुद्रा॒य । नं ओं ।
पूर्वमुखाय नमः ॥ १ ॥
// तत्, पुरुषाय, विद्महे, महा-देवाय, धीमहि, तत्, नः, रुद्रः, प्रचोदयात् //
ओं भूर्भुव॒स्सुव॑: । ओं मं ।
अ॒घोरे᳚भ्योऽथ॒ घोरे᳚भ्यो॒ घोर॒घोर॑तरेभ्यः ।
सर्वे᳚भ्यः सर्व॒शर्वे᳚भ्यो॒ नम॑स्ते अस्तु रु॒द्ररू॑पेभ्यः ॥
कालाभ्रभ्रमराञ्जनद्युतिनिभं व्यावृत्तपिङ्गेक्षणं
कर्णोद्भासितभोगिमस्तकमणि प्रोद्भिन्नदंष्ट्राङ्कुरम् ।
सर्पप्रोतकपालशुक्तिशकल व्याकीर्णसंचारगं [सच्छेखरं]
वन्दे दक्षिणमीश्वरस्य कुटिलभ्रूभङ्गरौद्रं मुखम् ॥
ओं इं चं छं जं झं ञं ईं ओं ।
ओं नमो भगवते॑ रुद्रा॒य । मं ओं ।
दक्षिणमुखाय नमः ॥ २ ॥
// अघोरेभ्यः, अथ, घोरेभ्यः, घोर-घोरतरेभ्यः, सर्वेभ्यः, सर्व-शर्वेभ्यः, नमः, ते, अस्तु, रुद्र-रूपेभ्यः //
ओं भूर्भुव॒स्सुव॑: । ओं शिं ।
स॒द्योजा॒तं प्र॑पद्या॒मि॒ स॒द्योजा॒ताय॒ वै नमो॒ नम॑: ।
भ॒वेभ॑वे॒ नाति॑भवे भवस्व॒ माम् । भ॒वोद्भ॑वाय॒ नम॑: ॥
प्रालेयाचलचन्द्रकुन्दधवलं गोक्षीरफेनप्रभं [मिंदु]
भस्माभ्यक्तमनङ्गदेहदहन ज्वालावलीलोचनम् ।
ब्रह्मेन्द्रादिमरुद्गणैः स्तुतिपरैरभ्यर्चितं योगिभिः [पदै]
वन्देऽहं सकलं कलङ्करहितं स्थाणोर्मुखं पश्चिमम् ॥
ओं उं टं ठं डं ढं णं ऊं ओं ।
ओं नमो भगवते॑ रुद्रा॒य । शिं ओं ।
पश्चिममुखाय नमः ॥ ३ ॥
// सद्यः-जातं, प्रपद्यामि, सद्यः-जाताय, वै, नमः, नमः, भवे, भवे, न-अतिभवे, भवस्व, माम्, भव-उद्भवाय, नमः //
ओं भूर्भुव॒स्सुव॑: । ओं वां ।
वा॒म॒दे॒वाय॒ नमो᳚ ज्ये॒ष्ठाय॒ नम॑: श्रे॒ष्ठाय॒ नमो॑ रु॒द्राय॒ नम॒: काला॑य॒ नम॒: कल॑विकरणाय॒ नमो॒ बल॑विकरणाय॒ नमो॒ बला॑य॒ नमो॒ बल॑प्रमथनाय॒ नम॒: सर्व॑भूतदमनाय॒ नमो॑ म॒नोन्म॑नाय॒ नम॑: ॥
गौरं कुङ्कुमपङ्किलं सुतिलकं व्यापाण्डुगण्डस्थलं
भ्रूविक्षेपकटाक्षवीक्षणलसत्संसक्तकर्णोत्पलम् ।
स्निग्धं बिम्बफलाधरप्रहसितं नीलालकालङ्कृतं
वन्दे पूर्णशशाङ्कमण्डलनिभं वक्त्रं हरस्योत्तरम् ॥
ओं एं तं थं दं धं नं ऐं ओं ।
ओं नमो भगवते॑ रुद्रा॒य । वां ओं ।
उत्तरमुखाय नमः ॥ ४ ॥
// वामदेवाय, नमः, ज्येष्ठाय, नमः, श्रेष्ठाय, नमः, रुद्राय, नमः, कालाय, नमः, कल-विकरणाय, नमः, बल-विकरणाय, नमः, बलाय, नमः, बल-प्रमथनाय, नमः, सर्वभूत-दमनाय, नमः, मनोन्मनाय, नमः //
ओं भूर्भुव॒स्सुव॑: । ओं यं ।
ईशानः सर्व॑विद्या॒ना॒मीश्वरः सर्व॑भूता॒नां॒ ब्रह्माधि॑पति॒र्ब्रह्म॒णोऽधि॑पति॒र्ब्रह्मा॑ शि॒वो मे॑ अस्तु सदाशि॒वोम् ॥
व्यक्ताव्यक्तगुणेतरं सुविमलं षट्त्रिंशतत्त्वात्मकं [परतरं]
तस्मादुत्तरतत्त्वमक्षरमिति ध्येयं सदा योगिभिः ॥
वन्दे तामसवर्जितं त्रिनयनं सूक्ष्मातिसूक्ष्मात्परं
शान्तं पञ्चममीश्वरस्य वदनं खव्यापितेजोमयम् ॥
ओं ओं पं फं बं भं मं औं ओं ।
ओं नमो भगवते॑ रुद्रा॒य । यं ओं ।
ऊर्ध्वमुखाय नमः ॥ ५ ॥
// ईशानः, सर्व-विद्यानां, ईश्वरः, सर्व-भूतानां, ब्रह्म-अधिपति, ब्रह्मणः-अधिपतिः, ब्रह्मा, शिवः, मे, अस्तु, सदा-शिवों //
3. Dasha Dik Raksha Prarthana – दशदिक् रक्षा प्रार्थना >>
सम्पूर्ण महान्यास सूचिका पश्यतु ॥