अ॒ग्निश्च॑ म॒ इन्द्र॑श्च मे॒ सोम॑श्च म॒ इन्द्र॑श्च मे सवि॒ता च॑ म॒ इन्द्र॑श्च मे॒ सर॑स्वती च म॒ इन्द्र॑श्च मे पू॒षा च॑ म॒ इन्द्र॑श्च मे॒ बृह॒स्पति॑श्च म॒ इन्द्र॑श्च मे मि॒त्रश्च॑ म॒ इन्द्र॑श्च मे॒ वरु॑णश्च म॒ इन्द्र॑श्च मे॒ त्वष्टा॑ च म॒ इन्द्र॑श्च मे धा॒ता च॑ म॒ इन्द्र॑श्च मे॒ विष्णु॑श्च म॒ इन्द्र॑श्च मे॒ऽश्विनौ॑ च म॒ इन्द्र॑श्च मे म॒रुत॑श्च म॒ इन्द्र॑श्च मे॒ विश्वे॑ च मे दे॒वा इन्द्र॑श्च मे पृथि॒वी च॑ म॒ इन्द्र॑श्च मे॒ऽन्तरि॑क्षं च म॒ इन्द्र॑श्च मे॒ द्यौश्च॑ म॒ इन्द्र॑श्च मे॒ दिश॑श्च म॒ इन्द्र॑श्च मे मू॒र्धा च॑ म॒ इन्द्र॑श्च मे प्र॒जाप॑तिश्च म॒ इन्द्र॑श्च मे ॥ ६ ॥
// अग्निः, च, मे, इन्द्रः, सोमः, इन्द्रः, सविता, इन्द्रः, सरस्वती, इन्द्रः, पूषा, इन्द्रः, बृहस्पतिः, इन्द्रः, मित्रः, इन्द्रः, वरुणः, इन्द्रः, त्वष्टा, इन्द्रः, धाता, इन्द्रः, विष्णुः, इन्द्रः, अश्विनौ, इन्द्रः, मरुतः, इन्द्रः, विश्वे, देवाः, इन्द्रः, पृथिवी, इन्द्रः, अन्तरिक्षम्, इन्द्रः, द्यौः, इन्द्रः, दिशः, इन्द्रः, मूर्धा, इन्द्रः, प्रजा-पतिः, इन्द्रः, च, मे //
Chamakam 7th Anuvakam – सप्तमोऽनुवाकः >>
<< Shasta Vara Rudrabhishekam – षष्ठ वाराभिषेचनम्