नम॑ इरि॒ण्या॑य च प्रप॒थ्या॑य च॒ नम॑: किग्ंशि॒लाय॑ च॒ क्षय॑णाय च॒ नम॑: कप॒र्दिने॑ च पुल॒स्तये॑ च॒ नमो॒ गोष्ठ्या॑य च॒ गृह्या॑य च॒ नम॒स्तल्प्या॑य च॒ गेह्या॑य च॒ नम॑: का॒ट्या॑य च गह्वरे॒ष्ठाय॑ च॒ नमो᳚ ह्रद॒य्या॑य च निवे॒ष्प्या॑य च॒ नम॑: पाग्ंस॒व्या॑य च रज॒स्या॑य च॒ नम॒: शुष्क्या॑य च हरि॒त्या॑य च॒ नमो॒ लोप्या॑य चोल॒प्या॑य च॒ नम॑ ऊ॒र्व्या॑य च सू॒र्म्या॑य च॒ नम॑: प॒र्ण्या॑य च पर्णश॒द्या॑य च॒ नमो॑ऽपगु॒रमा॑णाय चाभिघ्न॒ते च॒ नम॑ आक्खिद॒ते च॑ प्रक्खिद॒ते च॒ नमो॑ वः किरि॒केभ्यो॑ दे॒वाना॒ग्ं॒ हृद॑येभ्यो॒ नमो॑ विक्षीण॒केभ्यो॒ नमो॑ विचिन्व॒त्केभ्यो॒ नम॑ आनिर्ह॒तेभ्यो॒ नम॑ आमीव॒त्केभ्य॑: ॥ ९ ॥
// नमः, इरिण्याय, प्र-पथ्याय, किंशिलाय, क्षयणाय, कपर्दिने, पुलस्तये, गो-स्थाय, गृह्याय, तल्प्याय, गेह्याय, काट्याय, गह्वरे-स्थाय, ह्रदय्याय, नि-वेष्प्याय, पांसव्याय, रजस्याय, शुष्क्याय, हरित्याय, लोप्याय, उलप्याय, ऊर्व्याय, सूर्म्याय, पर्ण्याय, पर्ण-शद्याय, अप-गुरमाणाय, अभि-घ्नते, आ-खिदते, प्र-खिदते, किरिकेभ्यः, देवानां हृदयेभ्यः, वि-क्षीणकेभ्यः, वि-चिन्वत्केभ्यः, आनिः-हतेभ्यः, आ-मीवत्केभ्यः //
Namakam 10th Anuvakam – दशमोऽनुवाकम् >>